Kya hai wo baat tere har mazaak me
Jisme basti hai choti si duniya meri
Kaise bayaan karu mai is rishte ko
Jaha basti hai saari khushiya meri
Mujhe khone se tu darti hai
Mujhe baatne se tu jalti hai
Tu ladti hai
Tu milti hai
Tu roti nahi lekin rulati hai
Lekin tujh jaisa koi manata bhi nahi
Tere is adah par mai poori ho gayi teri
Tujhme basti hai choti si duniya meri
Tujhe jalana fitrat hai meri
Tera mere haatho bezzat hona khismat hai teri
Khuda kare yeh yaari rahe zindagi bhar
Kabhi na jaaye tu mujhe chod kar
Agar tu mujhe chodh kar chale bhi gayi
Toh sabse zyada buri khismat hogi teri
Tu ek din na aaye to akelapan hota hai
Tu kisi aur ke saath jaaye to mera dil rota hai
Mann karta hai tujhe behen bana kar ghar le aau
Lekin fir hamare pagalpan ka khayaal bhi aata hai
Tu jiye hazaro saal yeh dua hai meri
Tujhme basti hai choti si duniya meri.

– Maseera Batool

Platform:-SPLIT POETRY INDIA

Editor:-Gautam Jha